|  族語方言別文章>>阿美族語辭典-Namoh Rata吳明義教授 字體大小:- + 列印
Fohecelay a 'o'ol(白雲)
www.amis.org.tw/2018 2018/1/24  阿美族兒童文學創作研習


(1) Cahedal(2)ko romi'ad anini,takaraw a masafaniyoniyot(3)ko fohecelay a 'o'ol i kakarayan.Kirami to ro:ma a romi'ad,i terong no kacanglahan a palapatan,ano eca,.i sa'aya'ayawno kaciferangan a palapatan i, fahal san a matefad ko kotem talalaeno,caay pahoda(4),,madodem ko romi'ad,ta ded (5)sato ko seded (6)a matefad.Yo pakaen kako to kolong yo kaemang ho i toya katefadan no seded a ma'orad,ma'ifor (7)ko tofor misatakaraka:raw to hemot ko tofor a misacikacikay.O tala'ayaway ho ko tireng, o laliti'en ho a kolong i caengeten to wawa' ningra a latek, ma'araw ko taporo ano eca o takaraway a 'alaneng i misacokacokah misaray(8)to caenget no waa', todongay o pikoskos ningra to caenget no waa' ningra. Nikaorira oya picokah ningra to sera i, micidem macidem ko waa' ningra.katalawan koya waa' ano macacokah ato kolong no tao i, malimata ko kolong no tao.Nengneng han i, samorirah(9)san ko mata,sakociper(10)san to wikol a pacipat i hemot, ma'etol ko panga noya kokong,o todongay o palosiyangay to codah ningra a mangalay micokah to roma a kolong. Pa:tay(11)no mako a panono' to sepel(12)ato pacedi a mitengteng to saso'ot ta saray mato sanay ko katalawan a firang noya kokong.Mahaen a maemin ko malonem ato siri riri(13)。o sepatay ko wa'ay a pinanowang ano macacokah, ma'araw no mita i tilifi.Ano masalaw(14)ko seded i,caay ka eca, masadak ko Tarakar ni Idek,Makapah a nengnengen ko cengel ningra.i 'ayaw no picelem no cidal i pisakalafian i,kahengang ko lodi' i noetipan a kakarayan!O pinokayan to no pakaenay to kolong ato malingaday a tamdamdaw a maemin. 1.’o’ol(秀阿)見辭典。2.cahdal(北阿-晴天) 3.faniyot(河川中的小島)4.caay pagoda(不久)5.下傾盆大雨貌。6.(驟雨)7.小牛因雨喜樂而嬉奔翅屁股跳躍。8.緩和,消除,平息。9.samorirah(眼目猙獰兇狠)。10.kociper(緊縮屁股和尾巴。11.pa:tay(拼命。,12.sepel(鮮青牧草)。13.riri(等於英文的”etc”-等等)14.salaw(雨歇,雨停)