Satapangan no Miladis a Lisin海祭的由來
作者：部落小編 發佈用戶： 版權：原創 發表日期：2015/3/24 閱讀：
6464次
Satapangan no Miladis a Lisin
海祭的由來
Iti:yaho, itini i niyaro’ no Pangcah, ira ko mari’angay a ’Arikakay.
Mikilomaloma’ no Pangcah. Misafana' to tamdaw, mikirarikor to mato'asay,
misa'efit to mamangay a wawa, komaen to ’atay ato faloco’. Nipararawraw to
niyaro’. Yo cecay a romi’ad, mawmah ci Kaday ato fa'inay i pala, awaay ko
midipotay to wawa i loma', ririd han nangra ko wawa tatosa. Matayal sato cangra
a maramod, papidipot han ni Kaday ko kaka a wawa to safa i lidong no kamoraw,
sowal hato no ina, itini kamo a misalama, aka ka talacowacowa^. Mafana' to sa
koya kaka a wawa a paca'of. Saka raheker sa koya ina a matayal.
"Mangata to ko kalahokan, nipasa^sa' to kita, hano masole:p ko wawa ita, tatata
!" sa ci Kaday. Ca'of sa ko fa'inay ni Kaday: "Anini caay ka mangic koya wawa?"
Tangasa cangra i kalaeno noya kamoraw, mafoti: a tatosa, copa^ sa mi'araw,
pa:cekok cangra a maramod, hilam han i, mapa:tay to. Awaay ko ’atay ato faloco’
noya tatosa^ a wawa. Tanotangic sa cangra a paratoh to kaka ni Kaday, o tomok no
niyaro'. Mafana’ to ko ’alomanay, mangiraw ko niyaro'ay. Masaopo ko kalas no
niyaro'. Samaanen ita ta maliyas ita ko matiniay a
kakatalawan a demak sato cangra. Pasa’opo hanto nangra ko ci’icelay a kapah a
milood toya 'arikakay. Kinapinapina cangra a milood, nikawrira, caay pakadawa
toya ta:’akay a 'arikakay a kawas.
’Aloman ko madokaay ato mapatayay a kapah. Mararom koya tomok.
Yo cecay a romi’ad to dadaya, mafoti’ koya tomok i lawac no riyar, cilemed
cingra. Colal sa ko cecay a Kawas no riyar ci Kafid, sowal sa: "Wawaaw, kafana’
kiso, ya ’ada iso, caay ko tamdaw cangra, caay ko mamafi:lo^ no tireng namo, ka
o porong a lalosidan ko sapilood, ta mafilo namo", saan.
Talipa'lal koya tomok i, lowad sato. Do^doen nangra ko sowal noya kawas ni
Kafid. So'elinay malowid nangra koya ’arikakay. Nanitiya, awaay to ko mirawraway
to 'orip no Pangcah.
O
rikor nonini a demak, itini i saka enem a folad saka tolo a lipay no
kalomihecahecaan, tayni i lawac no riyar a mifoting ko finawlan no Pangcah, o
todong to sapiaray toya midamaay a kawas no riyar ci Kafidan.
Iniyan i, o satapangan a lisin no Pangcah to miladis saanay.
很久以前，在阿美族的部落裏，有非常凶惡的阿里嗄蓋。經常在部落裏出沒，很會欺騙族人，在大人背後誘拐小孩，吃小孩的心和肝，擾亂部落族人的生活。有一天，Kaday和丈夫要到田裏工作，沒有人在家看小孩，就帶著兩個孩子出門。夫妻倆要工作，Kaday就叫大的孩子照顧小的，在榕樹下陰涼處，她吩咐孩子說：「你們在這裏玩，千萬不要到別的地方去。」大孩子就回答說：「知道了。」
因此母親就放心地去工作了。
將近中午，Kaday說：「我們休息吧了！他們就走回到那榕樹下，夫妻倆嚇住了，發現兩個孩子都已經死了，心和肝都不見了。他們倆就哭哭啼啼地告訴部落的頭目。許多人知道了，部落的長老們也聚集在一起，他們討論要如何對付部落裏這麼恐怖的事件。他們決定召集部落年輕力壯的青年勇士去抵抗外來的阿里嗄蓋，他們多次的對抗，就是無法勝過那又高又大的阿里嗄蓋，頭目心裏非常傷心難過。
有一天夜裏，頭目在海邊睡覺，他作了一個夢，突然間出現一位海神名叫Kafid對頭目說：「孩子啊！你要了解，你的仇敵，他們不是一般的人，用你們的肉體去對抗是無法擊敗他們，你們必須要用蘆葦草作成人形當武器，才能戰勝他們！」頭目醒來，就按著海神Kafid指示的方法對抗惡魔，最後，他們終於打敗阿里嗄蓋，從那時候起，阿美族部落就過著平靜的生活了。
這件事之後，每年的六月第三個禮拜天，族人都來到海邊捕魚，這活動是為了記念並感謝曾經幫助他們的海神Kafid. 這就是阿美族捕魚祭的由來。
阿美族語線上查詢學習網
阿美族文化
