Nilinikan a Sowal no Tomay

熊說的秘密

O fangcalay ko nikalacafay na Angay aci Foyan, yo cecay a romi'ad, malacafay cangra a romakat i lalan, mita'lif cangra to kilakilangan, awaay ko mokoay, o kakatalawan itira, saka masasowal cangra a tatosa^, sowal sa, "Kihmatini, ano maamaan ko malitemohay ita a kakatalawan i, caay kanca^ masasidipot kita. Ano miso'ayaw to patay i, caay kanca^ masasidama^ kita, caay pilaliw to cafay." Saan ko piketon nangra to faloco'. 
Romakat i terong to no kilakilangan cangra, malitemoh nangra ko cecay a tomay nani laloma' no kilakilangan, pasayra i cangraan, satowatowa' sa a mowi'. Paka'araw ci Angay i, caay pipasowal ci Foyanan , tangsol sa a mikayakay to i ngataay a kilang a milimek. Mafana' sato ci Foyan to picopa noya tomay i, caay to pakapilaliw cingra, orasaka tangsol sa cingra a matihemok i sera, misamatiya o mapatayay. 
Ya i faleday no kilang ci Angay i, pirpir sa a matalaw, rawod sato koya tomay, mingiyangi^ toya kilang, manglay a mikalic, nikawrira caay pakakalic, saka pasayra sato toya mapolinay i sera i ci Foyanan. Misa-sanesanek, copa^ sa to tangila ni Foyan, Nikawrira, to:ko^ sa ci Foyan matalaw a mangiyangi^, 
mamata'emoday noya tomay kako kiya sa koharateng ningra. 
Namati:ra, caay pikalat koya tomay ci Foyanan, micopa sa ci Foyanan , matiyatiya o milihoday a pasowal to ma:an. Caay ka halafin, liyas sato koya tomay, minokas a pasayra i kilakilangan. Miliyas to awaay to a ma'araw koya tomay i, itiya epod sato ci Angay nani faled no kilang, Samaeta' sa ko pising a 'arawen, ci Foyang sato i, na'o:n sa a lomowad nani kafoti' ningra i sera, matiya o sakahemaw sanay ko pising a 'arawen. 
Paka'araw ci Angay ci Foyanan i, ira ko 'ingcoay i faloco' ningra, nawhani, cingra ko 'ayaw a mihikeno to tihi^ a milaliw, mikalic to kilang. Nikawrira, maapa^ ko harateng ningra, nawiro caay pikalat ci Foyanan koya tomay saan, saka milicay ci Foyanan, " Idangaw, caay ka fana' kako, ihoni micopa^ koya tomay i tisowan, maan sa a mipalicay i tisowanan?" 
'Araw sa ci Foyan toya samaeta' sayan a pising ni Angay i, po'elac han nira a paca'of, " Caay pasowal to masimeday a sowal koya tomay, nikawrira, ira ko pacecay to sowal i takowanan, akato ka cicafay toya misamangahay a tamdaw saan. " han ningra.

Angay和Foyan是非常要好的朋友，有一次兩人結伴同行，經過一個人煙罕至的森林。那是個危險的地方，他們雙方約好，從此時刻無論遇到什麼危險，兩個人都要互相幫助，那怕是有生命危險，也不要拋下對方，一定要彼此照顧。
進入森林後不久，他們真遇見一隻大熊從樹叢裡走來，向他們逼近。並不時的張開大口，發出嘶吼聲。Angay 看見了，完全不理會Foyan，就趕忙爬上最近的一棵大樹上躲藏，等到Foyan發現大熊時，已經來不及逃跑了，他只好就地倒在地上裝死。
在樹上的Angay 非常驚慌，而不知所措。幾次攀爬失敗後，大熊走近倒在地上的Foyan，並不斷的用鼻子反覆的聞，還把它那張大嘴放在Foyan的耳朵上。此刻的Foyan一動也不敢動，以為自己就會被大熊吃掉了。
說也奇怪，大熊不但沒有吃掉Foyan，好像還在耳邊說了些什麼。經過一會兒，大熊就搖了搖尾巴，慢慢的朝森林深處離開了。一直等到大熊走遠不見蹤跡，Angay才敢從樹上下來，一臉蒼惶失色表情，反倒是Foyan不急不緩從地上，臉上還一派輕鬆的表情。
Angay 見了Foyan，當然有點難為情，因為她第一時間扔下了朋友，只顧自己爬到樹上去躲，扔下了朋友。但是Angay 很好奇，大熊為什麼沒吃掉Foyan？就問Foyan說：「老朋友，我不明白，大熊剛才伏在你的耳邊跟你說了些甚麼呀？」
Foyan看著Angay 驚訝的臉，毫不在乎的回答：「大熊跟我倒是沒有說什麼秘密，牠只事告訴我，下次不要再和沒有信用的人交朋友。」