Malalifet ko rarokoh ato takolil龜兔賽跑作者：部落小編 發佈用戶： 版權：原創 發表日期：2015/3/10 閱讀：5958次

 

Malalifet ko rarokoh ato takolil龜兔賽跑

Malasakalemed no mita a mato'as ko pipatihi no wawaan a kimad, nawhani o sapalimo'ot to sakafana' a miharateng to sakalatamdaw, malosapifiyor to sakamoecel no faloco' no tamdamdaw. Matiya ci Pay-sye kong-co a limecedan, damsay ko faloco' ato ci Alipapa o cifenekay ato tariktikay a pakarongay, malasakaenep no mita a miasip toni a kimad. Itini no mitaan a kimad toya nikalalifet no takolil ato rarokoh sanay i, mangalef ko nika tadamaan a pa'icel to faloco.
Mafana' kita a maemin to nikalata'ang ato pisatakaraw no faloco' no takolil, mafoti' i laeno no kilang, saka mafilo a malalifet. Nika o rarokoh sato i, caay ka saan ko faloco' nira, hadi^di^ saan. Ano matayotayo ko rakat i, hacecacecay han nira ko 'awas caay kapitolas a misa'icel. Saikoray i, cingra ko pakalowiday. Oya to takolil mafilo masemer ko faloco' to nika lata'ang no faloco' nira, nikaoria misalongoc haca toya rarokoh a miliyaw malalifet. Oya sato a rarokoh, caay kasasawi faloco', tangsol sa a mihayi.
Toya sato a dafak fang:cal ko romi'ad, o polong no 'a'dopen masa'opo i kilakilangan, mikapot a miki'araw toya tadamanay a nikalalifet a demak. Matahidang ko tapang no 'a'adopen--o layong, o tapang no kilakilangan--o lokedaw ko malomisawkitay. Mamisatapang to a malalifet i, o karaya'ay a li'el
no kiling ko malokonis no pisatapangan, o mamikadem ko karaya'ay a songtan no eco^ a mica'engaw. O sekak no koko' no 'ayam ko sapisatapang to nikalalifet.
Matengil noya takolil ko soni tangsol to piyoc sa pasayra i paherekan a mafekac, caay to kafoti', matalaw to a pahanhan. So'linay yo pihatala no alomanay, malasarakatay tangasa koya takolil. Oya sato alomanay misatalatala ko faloco', nika awaay a ma'araw nangra koya rarokoh. Itiya sato, ma'araw no maeferay a 'alilis, paratohen nira ko 'alomanay to nika'araw nira toya rarokoh, hilam han i, iraay itira i liklik naira a mitengil to pakimad no alomanay.
Mafana' ko rarokoh to nika tadanca no tatirengan nira, saka ca:ay pisawad, hadi^di^ han nira tangasa i paherekan, saka kiemer a malalifet. O takolil sato i, masemer to nikalowid i sa'ayaway, paliyaw sato malalifet kiemel to cingra. Onini kalalifet no takolil ato rarokoh a kimad i, o sapakafana' i titaanan. Ano ira ko nisafaloco'an to ma:an a demak, re:pet han a misa'icelen a mireko, ta ciepoc ko kalodemak ato tayal no mita. Orasaka ira ko sowal no citanengay, " Oya pali'ayawal misahalaka to tayal a cifaloco'ay a tamdaw ko cacitodong to sakalaheci no kalodemak ato tayal."saanay a sowal.

童話故事是陪伴我們成長的精神糧食，它們所要闡述的意涵發人深省，更深深的影響(fiyor)每一個人。白雪公主的唯美與善良，阿里巴巴的聰明與機智，讓我們沉醉在故事裡。而中國傳統故事中的龜兔賽跑，所帶給大家的啟示更具意義。
我們都知道兔子是因為過於自信，在大樹下睡著輸了比賽，烏龜恰好相反堅持腳踏實地，一步一腳印的精神，最後贏得比賽。兔子輸了比賽之後一直對自己自傲很自責，它決定向烏龜再提出一次比賽的要求，烏龜也信信滿滿的欣然接受。
就在一個風和日麗的早晨，所有動物都聚集在森林裡，參加這難得一見的盛事。它們邀請萬獸之王-獅子，森林之王-老虎擔任評判。比賽即將開始，長頸鹿彎下長長的脖子當起跑線，大象高高的舉起長長的鼻子準備發號司令，就在公雞的啼聲令下比賽開始了。
兔子聞聲響後一溜煙的向終點跑去，別說睡覺了，就連休息也不敢。就在大家的期盼下，兔子一馬當先跑回終點，可是大家左等右等就是不見烏龜的到來，就在這個時候天上飛的老鷹傳來消息發現了烏龜，原來烏龜就在不遠處聽著大家在說故事。
烏龜因為堅持到底、永不放棄，克服了先天不足，贏得了比賽，兔子因為記取失敗的教訓，再一次的比賽中贏得了勝利。龜兔賽跑的故事告訴我們，天生我才必有用，只要懷抱理想、掌握方向、努力實踐，成功是屬於已準備好的每一個人。