I dadaya ira ko sapatelong no salikaka a dateng, o kangangiw, o siraw, o papah no 'anengelay ato 'angsitay(野生小蕃茄).
Oya 'angsitay fonalen i nanom, pesi'en ko kangangiw palamlamen to cinah ato nanom, todong o kohaw no sakalafi. Oya papah no 'anengelay ciyanen to hipaw ato kamamoday.
Oya siraw farawen ho nga' masolinga' maecak. O tatokem i, o ma-yow(麻油) ato kacipa' ko sapiciyan. 'aredeten adihay toko nikaysingan a malafi, ma'oxhit tona nitahekaan a dateng. O harateng sanay a komaen to 'anengel ato kacedah no dateng. Hatoya ma:cahiway a koko' ato 'ayam, rawraw sa mitatortor a komaen. Helek no lafi ira ko cecay a toki, satatiih sato ko fitoka ato tiyad, safarokfok sato a sakaota'aw, tayra i yang-tay miraroiret to tireng to kafarokfok no fitoka ato tiya.
Maharaten to ko samaanay ko lalengatan no kahatini no tireng. Ay...yaya: sato talipa'elal ko faloco', ira koti' hanima matoroy to kacedahay a kakaenen
sato mapo'i to niyah to. Hatiniay ko matoroyay hananay a sowal no malitengay.
